مواطن مصري يطالب مطلقته بما زادته من وزن أثناء زواجهما

بحبها .. بحبها ..

ومن حبي لها

أحسب كل يوم وزنها ..

يا ريت يا قاضي ..

تحكم عليها ..

وآخد الفرق منها ..

بحبها .. بحبها ..

من سنين يا قاضي ..

اجوزتها ..

كانت وقتها ..

رفيعة .. سفيفه ..

خمسين كيلو كان وزنها ..

كان وزنها ..

ما تبانش قدامك من رفعها ..

أخدتها .. أكلتها ..

علفتها ..

عشان تربرب ..

مين قدها ..

مين زيها ..

وبعد ما كبرتها وسمنتها ..

خدت تربيتي ..

وراحت بيت أهلها ..

وأنا يا قاضي ..

أكلي جوا في بطنها ..

يرضيك يا قاضي ..

ميت كيلو بقى وزنها ..

يعني اتنين منها .. منها ..

ياريت يا قاضي ..

تحكم لي بحقي عندها ..

احكم لي يا قاضي ..

بخمسين كيلو من وزنها ..

من وزنها ..

دا الفرق في وزنها ..

حقي يا قاضي مش حقها ..

يرضيك يا قاضي ..

حقي تاكلوا في بطنها ..

سنين ياقاضي ..

فلوسي تشتري أكلها ..

ودلوقتي .. تتنكر لي ولها ..

احكم لي يا قاضي ..

بالفرق من وزنها ..

أصلي يا قاضي ..

بحبها .. بحبها