elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    مًنْ آهٍَوٍآهٍَ سٌِِّلطُْآنْآ

    شاطر

    بهواك

    عدد المساهمات : 247
    السٌّمعَة : 4
    تاريخ التسجيل : 05/02/2013
    العمر : 38

    مًنْ آهٍَوٍآهٍَ سٌِِّلطُْآنْآ

    مُساهمة من طرف بهواك في الأحد أبريل 27, 2014 5:05 am

    طول عمرى بكتب شعر
    طول عمرى غاويه غنا
    لكن اقولك سر
    فى هواك انا مش انا
    لما ببص ف عنيك
    يتبدل شكل حرفى
    يتغير طعم ريقى
    والقانى ف عز ضعفى
    بقوى بحبك حقيقى
    انا لما بلمس اديك
    يتلون ضى قمرى
    يتحرر سجن طيرى
    واشوف ف عنيك عمرى
    وقدرى وحلمى ومصيرى
    والاقى قلب الصخر
    بيطرح سوسنه
    طول عمرى بكتب شعر
    طول عمرى غاويه غنا
    ايوه اتغير كله اتغير
    قلبى اتغير حلمى اتغير
    حتى كلامى وشعرى اتغير
    عمرى ما كنت ف يوم اتصور
    ان الضلمه ف قلبى تنور
    ان الحزن هيبقى قصير
    حاجه تحير
    ايه خلانى ف لحظه اتحرر
    من تعاقيدى وسجنى وقيدى
    والقى الحلم ف قلبى مخضر
    اقولك اكتر
    ولا اقصر
    لآه انا ناويه اقولك اكتر
    لكن ممكن اطلب حاجه
    قبل ما اكمل
    احضن حلمى بضى عنيك
    لاجل ما يكمل
    المس ليلى بكف اديك
    عشان يتبدل
    يصبح اجمل
    حاضر حاضر 
    هرجع اكمل
    طول عمرى بكتب شعر
    طول عمرى غاويه غنا
    واتارى انت الشعر
    وضحكه عنيك الغنا
    انا لما بكتب ف حبك
    بيتكسر كل خوفى
    والقاك ما بين حروفى
    عصفوره طايره بفرحه
    هربانه من دنيا جارحه
    وبشرب من كفوفك
    انا لما بنام ف حضنك
    بتدوب جبال جليدى
    واشوف ف عنيك عيدى
    وايام حلوه ومسامحه
    كملت خلاص كفايه
    مشبعتش م الكلام
    مع انى حبيبى عارف
    ميتوصفش بكلام
    دلوقتى هغمض حروفى
    واجرى لحضنك وانام

      الوقت/التاريخ الآن هو السبت ديسمبر 03, 2016 2:45 pm