elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    أشكيكى لمين يادنيا خلاص لقيت اعز أحبابى

    شاطر

    hanen

    عدد المساهمات : 132
    السٌّمعَة : 3
    تاريخ التسجيل : 07/07/2010

    أشكيكى لمين يادنيا خلاص لقيت اعز أحبابى

    مُساهمة من طرف hanen في الإثنين أكتوبر 13, 2014 12:33 pm

    أشكيكى لمين يادنيا خلاص لقيت اعز أحبابى
    نفسى يا دنيا فى حضن دافي .....أرمى فيه همومى اللى فوق كتافي
    وأغمض عيني وأنسى روحى ......ويحس بيا ويداويلى جراحى
    وعنيا من الاحــزان والجراح تبكي ......وأفضفض بللى جوايا وليه أحكي
    ويقولى مالك فيكى إيه ........هما الناس والدنيا جايين عليكى كده ليه

    نفسى فى حد يحبنى ويحس بيا .......ويخاف عليا ويمسح دموع عنيا
    نفسى فى حد يمد إيديه وفى حضنه ياخدني ....وعن الناس والدنيا واللى فيها يبعدني
    بس الاصحاب كلهم فى همومهم عايشين ......يفرحوا يوم ويبكوا سنة واهم راضيين
    والاهل بيرموا على كتافى حمول ......قال إيه انا الى عنهم مسؤله على طول
    شكلك كده يا دنيا الاحزان فيكي هطول .....دموع فى عيوني وفى قلبى زى الجبال
    مالهاش ياناس وصف ولا كلام يتقال ....مش قادره اتكلم ولا اقول مالى
    الدنيا جايه عليا وبتهد كل أمالى ......جواياجراح وهموم بالكووم
    والناس كلهم والدنيا جايبين عليا اللوم ....مع إنى والله عايشه وسطهم مظلومه

    إيه يا دنيا مابقتش لاقيه كلام أكتبه خلاص ....

    هو إنتى إيه معندكيش إحساس….
    ولا بقى فيكي ولا فى قلوب الناس إخلاص ....

    مابقتش عارفه اكتب من دموعى إللى فوق الورق
    ماهو الأمان وكل شئ حلو من حياتى بيتسرق ...

    ليه يا دنيا كل اللى احبه عنى بتبعديه….
    والهم والجرح فى قلبى بتزوديه ....

    وكل ما اجى افوق وابص لفوق….
    الاقي احزانى بتشدنى بميت الف طوق ....
    واجى اشق طريقى للفرح الاقى مليون سد….
    وابص حوليا الاقيني لوحدى ومفيش حد….

     نفسى اقول اااااه ودموعى تخرج من عيونى….
    تنزل على اللى جرحونى وفى احزانى لوحدى سابونى …

    بس ليه يا دموعي من عنيا مابتخرجيش….
    قالتلى واخرج ليه ماهوفوق خدك هموت مش هعيش….

    طب اخرجى وهكون جمبك متخفيش….
    ماهو بقيت عايشه لوحدى وغيرك مليش….
    إطمنى يا دموعى ويا آهاتى ومن قلبى إطلعى….
    وللجراح والاحزان يلا يادنيا فى حياتى إزرعى….
    ما أنا عارفه انى لوحدى وفحياتى هيتجمعو….
    والفرحه والضحكه الى ماتوا مفيش حاجه خلاص هترجعهم ….
    خلاص هسكت ومش هتكلم تانى غير بدموع….
    زى ما يكون البكي عشانى مصنوع ….
    تعبت خلاص ومبقتش قادره أتحمل….
    هرضى بنصيبى وفى طريق جراحى لوحدى هكمل….
    وهسيبك يا دنيا تزودى عذابى….
    وهيبقى الحزن والدموع والجراح هما أصحابى….
    ودموعى وآهاتى هيبقوا أعز احبابى ….

    semsemh

    عدد المساهمات : 37
    السٌّمعَة : 3
    تاريخ التسجيل : 07/07/2010

    رد: أشكيكى لمين يادنيا خلاص لقيت اعز أحبابى

    مُساهمة من طرف semsemh في السبت أكتوبر 18, 2014 1:31 pm

    حنون حبيبتى
    مفيش حاجه فى الدنيا تستاهل تزعلى عليها
    لا حبيب ولا مال ولا صديق ولا صديقه خاينه

      الوقت/التاريخ الآن هو الأحد ديسمبر 04, 2016 9:16 am