elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    مفيش حاجة

    شاطر

    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    مفيش حاجة

    مُساهمة من طرف elwasem في الأحد ديسمبر 20, 2009 4:03 am

    مفيش حاجة

    مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة

    عموماً بصوا فيه حاجة ...... هقولها بس محتاج لعقول تفهم..

    ولو حاجة مهيش مفهومة او حاجة ....نفسرها بكام حاجة ..

    نوضحها بكام حاجة وأهى حاجة مع حاجة هتظهر وتبان لنا حاجة

    وانا ما بخفش من حاجة مانيش مسنودولا حاجة

    لكن ما بخفش من حاجة لكن فرضاً لو هقول حاجة هيحصل إيه ... ولا حاجة

    هيعملوا إية.... ولا حاجة ولو بعد الشر .. بعد الشر لو واحد من القاعدين من السامعين من الضالين فِهِم حاجة هَيعملوا إيه ؟؟؟؟

    اكيد برضُه ولا حاجة ....فنتوكل على الستار لوجه الله نقول حاجة فيه

    ناس بتعيش علشان حاجة وناس بتموت علشان حاجة وناس بتموت على الحاجة

    وناس تديلك الحاجه وهى ليها محتاجه وناس تديلك الحاجه و تاخد قصادها ميت حاجه

    وناس تكبر تكون حاجه و ناس تصغر علشان حاجه

    وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبـنش عليه حاجة

    كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة

    ما انا ما أقدرش أقول حاجه صحيح نفسى أقول حاجه وميت حاجه لكن مش قادر اقول حاجة

    لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه

    عموما ... بصو لو حد من القاعدين عايزنى أبلغه بحاجة يقول مايخفش من حاجة

    نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة

    وبتقول إيه...مصمصوا إيه.... وخصخصوا إيه....ده كله كلام مفيش حاجه ... قضية إيه ... ياشيخ روح خلاص مافيش حاجه

    حرامى إيه ... ولَكّح إيه ... وهرّب إيه؟ شــفـافـيـه مافيش حاجة

    وبتقول إيه ... لالالآلأ عـــيب لافيه تدليس ولاترقيص ولا تدبيس ولا حاجه

    سمع مع هووووس انا حاسس انه فيه حاجة دقيقة سكات لَتبقى حداد انا حاسس انه فيه حاجه

    زمنكوا ياخلق فيه حاجه ولازموا كام وميت حاجه ده لو يعنى إذا كان فيه حاجة انا عن نفسى مش حاسس ولا بحاجة ولا متضايق ولا حاجة

    سعادتك برضه مش زَيـىِ مافيش حاجة ؟ ..... أهـه بيقول مافيش حاجة جنابك برضه مش زَيـىِ وعلشان زَيـىِ مافيش حاجة .. أهـه بيضحك بيقول مافيش حاجة

    ما أنا قولتلكو من الأول مافيش حاجة عليا النعمه يا اخوانّا مافيه حاجة ورحمة ابويا ويّا أبوك على إللّى جابوك ما فيه حاجه

    وعهد الله . وعهد الله. وعهد الله ما خللولنا ولا حاجه

    بقولك إيه خـــلاص خلّص وفركش يا اخوانا






    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    مفيش حاجه

    مُساهمة من طرف elwasem في الجمعة ديسمبر 25, 2009 3:33 pm

    ايمان البكرى مفيش حاجه

    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    خلاص

    مُساهمة من طرف ROMENTIC في الأحد ديسمبر 27, 2009 3:19 am

    مانيش عايز خلاص حاجة ولا محتاج انا لحاجة حبيبى ابو محمد قال كل حاجه sunny


    عدل سابقا من قبل ROMENTIC في الأحد ديسمبر 27, 2009 6:56 pm عدل 1 مرات

    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    بنت بكرى

    مُساهمة من طرف ROMENTIC في الأحد ديسمبر 27, 2009 3:22 am

    بنت بكرى ما سبتش ولا حاجه.. مشكووووووووور حبيبى عاطف

      الوقت/التاريخ الآن هو الجمعة ديسمبر 09, 2016 8:25 am