elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    شعر ياما كان نفسى

    شاطر
    avatar
    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    شعر ياما كان نفسى

    مُساهمة من طرف elwasem في الأحد يونيو 13, 2010 8:55 am

    ياما كان فى نفسى أعيش زمان ...
    وأشوف بعينى راجل حِمِش
    من شخطة واحدة الكل كان ...
    يموت فى جِلدُه ويترعِش
    ولا بنت تظهر للجيران
    ولا شعرة منها فى يوم تبان
    ومن أدبها تِندِهِش
    كان نفسى أعيش جو الأصول
    ووشوش مِحلِّيها القُبول
    ومافيش حياء بيتخِدِش
    كان نفسى أشوف شباب عِدِل
    قبل البعيد مايتهِبل
    والشعر يعلى ويتنِكِش
    كان نفسى أعيش عِز الجنيه
    كان نفسى أشيله ... أبقى بيه
    لكن خلاص ... أهو راح ...طِفِش
    سألت نفسى عن حاجات
    صبحِت مابينا ذكريات
    سِمِعت رَد بصوت حزين ...
    ماتشوفش يابنى شىء وِحِش

    avatar
    كاردنيا

    عدد المساهمات : 683
    السٌّمعَة : 6
    تاريخ التسجيل : 29/12/2009

    رد: شعر ياما كان نفسى

    مُساهمة من طرف كاردنيا في الأحد يونيو 13, 2010 1:27 pm


    سأرد عليك بلسان زمان اليوم وواقعنا التعيس
    وبنفس اللهجه

    راجل ايه يود يوحش

    انت عايزنا نرجع لسي سيد الراجل الحنش؟

    مهو غار وغارت ايامو

    والي زيو همه الي خربو الدنيا بعملهم الوحش

    قال ايه ؟ بتهابو الست أمينه.. ومن جواها بتترعش

    ولما يشخط الشخطه فيها ؟

    يخليها زي الفرخه.. ترقد على بيضها وتنكمش

    ولما يخرج بره البيت

    الغيره تنداس وتتفرش

    مش عاجبك الشعر المنكوش

    أمال ليه الرجاله تجري ورانه وتتنعش؟

    يبني خلاص ارجع لزمانك

    مادام مش عاجبك زمنا الروش

    احنا شباب وهنعيش اليوم

    التنوره شبر ونص

    والقميص سامحني يبابا

    وابوها نايم ويشخر

    ويحلم بزمان ؟ سي سيد الحنش




    avatar
    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    رد: شعر ياما كان نفسى

    مُساهمة من طرف elwasem في الإثنين يونيو 14, 2010 9:09 am

    كان نفسى اعمل منك حاجه


    أنا كده عملت إللى عليا
    وعملت اكتر من إللى عليا
    علشان تكبر في عين الناس
    كان
    نفسى اعمل منك حاجه
    بس اللىاتعود على حاجه عمره ما هيبطلها خلاص
    .........كانت فرصه عمرك تبقى كويس
    وتعيش زى الناس
    وتعبت معاك بس مفيش فايده
    بجد زهقت خلاص
    بتعامل مع بنى آدم فاضي ومعندوش إحساس
    كنت بصبر نفسى عليك
    وأقول بكره يتغير
    أتريك طول عمرك عايز
    تفضل قليل وصغير
    إديتك حب كبير في سنين
    ضيعته في وقت قصير

    كان نفسىأعمل منك حاجه

    الوسيم
    avatar
    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    كان نفسى اعمل منك حاجه

    مُساهمة من طرف ROMENTIC في الثلاثاء يونيو 15, 2010 4:02 am

    قولى يا وسيم ياترى التقصير فى مين
    بتقول نفسك تعمل منه حاجه
    وهو ميش دراين ولا حاجه
    اقولك والله ما انا فاهم حاجه
    بس لو كنت حطيت الحاجه على الحاجه
    مكنش حصل ولا حاجه
    اكيد انت فهمنى طبعا
    تحياتى
    avatar
    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    رد: شعر ياما كان نفسى

    مُساهمة من طرف ROMENTIC في الثلاثاء يونيو 15, 2010 4:08 am

    مفيش حاجة

    مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة

    عموماً بصوا فيه حاجة ...... هقولها بس محتاج لعقول تفهم..

    ولو حاجة مهيش مفهومة او حاجة ....نفسرها بكام حاجة ..

    نوضحها بكام حاجة وأهى حاجة مع حاجة هتظهر وتبان لنا حاجة

    وانا ما بخفش من حاجة مانيش مسنودولا حاجة

    لكن ما بخفش من حاجة لكن فرضاً لو هقول حاجة هيحصل إيه ... ولا حاجة

    هيعملوا إية.... ولا حاجة ولو بعد الشر .. بعد الشر لو واحد من القاعدين من السامعين من الضالين فِهِم حاجة هَيعملوا إيه ؟؟؟؟

    اكيد برضُه ولا حاجة ....فنتوكل على الستار لوجه الله نقول حاجة فيه

    ناس بتعيش علشان حاجة وناس بتموت علشان حاجة وناس بتموت على الحاجة

    وناس تديلك الحاجه وهى ليها محتاجه وناس تديلك الحاجه و تاخد قصادها ميت حاجه

    وناس تكبر تكون حاجه و ناس تصغر علشان حاجه

    وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبـنش عليه حاجة

    كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة

    ما انا ما أقدرش أقول حاجه صحيح نفسى أقول حاجه وميت حاجه لكن مش قادر اقول حاجة

    لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه

    عموما ... بصو لو حد من القاعدين عايزنى أبلغه بحاجة يقول مايخفش من حاجة

    نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة

    وبتقول إيه...مصمصوا إيه.... وخصخصوا إيه....ده كله كلام مفيش حاجه ... قضية إيه ... ياشيخ روح خلاص مافيش حاجه

    حرامى إيه ... ولَكّح إيه ... وهرّب إيه؟ شــفـافـيـه مافيش حاجة

    وبتقول إيه ... لالالآلأ عـــيب لافيه تدليس ولاترقيص ولا تدبيس ولا حاجه

    سمع مع هووووس انا حاسس انه فيه حاجة دقيقة سكات لَتبقى حداد انا حاسس انه فيه حاجه

    زمنكوا ياخلق فيه حاجه ولازموا كام وميت حاجه ده لو يعنى إذا كان فيه حاجة انا عن نفسى مش حاسس ولا بحاجة ولا متضايق ولا حاجة

    سعادتك برضه مش زَيـىِ مافيش حاجة ؟ ..... أهـه بيقول مافيش حاجة جنابك برضه مش زَيـىِ وعلشان زَيـىِ مافيش حاجة .. أهـه بيضحك بيقول مافيش حاجة

    ما أنا قولتلكو من الأول مافيش حاجة عليا النعمه يا اخوانّا مافيه حاجة ورحمة ابويا ويّا أبوك على إللّى جابوك ما فيه حاجه

    وعهد الله . وعهد الله. وعهد الله ما خللولنا ولا حاجه


    avatar
    Romyo

    عدد المساهمات : 38
    السٌّمعَة : 0
    تاريخ التسجيل : 31/12/2009

    ايه المتعه دى

    مُساهمة من طرف Romyo في الأحد يونيو 27, 2010 12:50 pm


    والله انتو فعلا ممتعين
    شعركم جميل
    وحوارتكو جميله
    تستاهلوووووووووووووو
    كل تحيه
    avatar
    hanen

    عدد المساهمات : 132
    السٌّمعَة : 3
    تاريخ التسجيل : 07/07/2010

    كاردنيا

    مُساهمة من طرف hanen في الأربعاء يوليو 14, 2010 11:27 pm

    كاردني

    ***********
    انا ملاحظه انك رديتى وبنيتى كل ردك على بيت واحد بس من قصيده الوسيم
    وما اهتمتيش بباقى القصيده على الرغم انها جميله
    ******************************
    اما كان فى نفسى أعيش زمان ...
    وأشوف بعينى راجل حِمِش
    من شخطة واحدة الكل كان ...
    يموت فى جِلدُه ويترعِش
    avatar
    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    رد: شعر ياما كان نفسى

    مُساهمة من طرف elwasem في الخميس يوليو 15, 2010 7:53 am

    معلش ياحنين

    يمكن باقى تعليقها هيجى بالبريد البطىء
    بواسطه وزاره السحالف للنقل والمواصلات
    avatar
    كاردنيا

    عدد المساهمات : 683
    السٌّمعَة : 6
    تاريخ التسجيل : 29/12/2009

    رد: شعر ياما كان نفسى

    مُساهمة من طرف كاردنيا في الخميس يوليو 15, 2010 8:12 am


    لايوسيم انا رديت عليك واكتفيت بما رديت
    ولا تنسون ان هذه الخاطره الفكاهيه كتبتها بلهجه مصريه
    وانا اجهل كثير من المصطلحات المصريه
    او ربما لم تسعفني بعض المصطلحات والكلمات من اللهجه المصريه
    بعدين المفروض تشجعوني علشان احاول اكتب باللهجه المصريه
    مش تكسروا مقاذيفي من اولها كده
    وانتم تعرفون ان جميع كتاباتي تقريباً بالفصحى
    فجيد اني كتبت بهذه الطريقه اليس كذلك؟؟
    تحياتي لكم
    avatar
    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    رد: شعر ياما كان نفسى

    مُساهمة من طرف elwasem في الأربعاء أبريل 06, 2011 6:59 pm

    ياريتهادامت فصحى ول مصريه
    تعالى انتى بس واكتبى هو احنا عاوزين غير الحجات الجميله ديت
    احنا بس راضيين تكتبى انشالله باللغه الصينيه
    ويكون عليها فنجان شاى وحته كيكه بشرط
    تكون مستويه
    اصل ياختى اتهرينا عجين وبطننا استوت
    اكتبى انتى بس واحنا هنقرا انشالله بالترجمه
    avatar
    داليا غريب

    عدد المساهمات : 102
    السٌّمعَة : 0
    تاريخ التسجيل : 02/12/2011

    الي من امتلك حياتي

    مُساهمة من طرف داليا غريب في الأربعاء يناير 04, 2012 4:40 pm

    الي من امتلك حياتي
    الدنيا ومافيها بالناس اللي فيها
    ماتسواش دقيقه في حضنك حبيبي
    avatar
    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    رد: شعر ياما كان نفسى

    مُساهمة من طرف elwasem في الأحد يناير 08, 2012 11:33 am

    سبحان مغير الأحوال
    مابين عشيهٍ وضحاها
    يبدل الله من حالٍ الى حال
    avatar
    بهواك

    عدد المساهمات : 247
    السٌّمعَة : 4
    تاريخ التسجيل : 05/02/2013
    العمر : 39

    انت سر الحياه

    مُساهمة من طرف بهواك في الأحد مارس 03, 2013 12:30 pm

    ياما كان فى نفسى اعمل حاجات كتيرة
    واهمهاانىاطير فالسما مع السحاب بين النجوم ارقص
    ومع القمر اضحك وبين الكواكب افرح
    وبين السما والارض اسبح فى الهنا
    واكتشفت فجأه انى فى الارض بين الناس عايشه معاهم
    بسمعهم بشوفهم استغربت وسكت
    روحت بصيت فالمرايا لقيت عيونى بتلمع وقلبى بيدق
    وفى شفايفى ابتسامه حلوة اوى سألت نفسى ليه الابتسامه؟ وليه الفرح اللى فعيونى؟
    اكتشفت ان اهم شىءان حبيبى ساكن بين ضلوعى وبقلبى عايش واكتشفت انو سر كل ده نعم انت سر الوجود
    وبدونك انا شخص مفقود انت يا حبيبى يا من ملكت قلبى
    فى عيونك كل الناس حلوة فقلبك كل الناس صادقه
    فى عقلك كل العالم ازكى
    بحبك وده سر سعادتى فالحياه
    نعم بهواك انا

      الوقت/التاريخ الآن هو الأربعاء مارس 29, 2017 7:11 am