elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    هزهز قلمك

    شاطر
    avatar
    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    هزهز قلمك

    مُساهمة من طرف ROMENTIC في الأربعاء يونيو 16, 2010 5:02 am

    هزهز قلمك
    يا دكتور سامى
    تلقى حروفه
    يا عم كتير
    حرف بيبكى
    وحرف بيشكى
    وحرف معلق
    في المسامير
    فوق جدران
    الليل متشعلق
    بين الضلمة
    ورقعة نور
    قمره ململم
    كل خيوطه
    مدارى الكلمة
    "ف" توب الناس
    هزهز قلمك
    بالإحساس
    تلقى الحرف
    الساكت
    يصرخ
    يركب خيل
    المعنى الناعس
    جوه لسان
    الخوف المر
    وتلقى الحرف التانى
    بيبكى
    جوه السطر
    بينزف دمعة
    يعد كلام
    الشمعة الناشف
    ******
    هزهز قلمك
    ياعم وسيم
    وأوعى تدوب
    وارسم صورة
    لقصة عجوزة
    قمرك شارد
    حبك صارخ
    بس منين وبكام
    مش لاقى
    غير حرفين
    مالهومش التالت
    هزهز قلمك
    وأوعى تعاند
    حرف العشق موسوس
    بارد
    بعتره ليل أمشير
    من بدري
    وباقي القصة
    سطورها اتباعت
    عجبك كده يا دكتور سامى
    وساكت ليه يا وسيم

    avatar
    dr/same

    عدد المساهمات : 35
    السٌّمعَة : 0
    تاريخ التسجيل : 07/01/2010

    د/ سامى الرفاعى رد على هز قلمك

    مُساهمة من طرف dr/same في الأربعاء يونيو 16, 2010 2:58 pm

    عاشق عنيك


    عــاشـق عــينيك عـاشق رموشها وسحـــــرها

    اللــى مـا راقــــت م الـدمـــوع طـــول عــمـرها

    والـحـــــزن فـيها مالـــيهـــا ياطـــول صــــبرها

    والله بــــكــــــــره الـفــرحـه تـيجـــى ف وقــتها



    هـوه انت يعــــنى بعــدت عـــنى كـــرهـــتنـــــى

    والا انــت يعــــنى بعــدت عــنى خاصـمــتنـــــى

    وان كــان نصيبى فـى الهـوى انسى هــــــــواك

    انا عمرى مانسى ولـســه انا قــلبـى مـعــــــــاك



    قـلـبى مـعــــــــاك والعـقـل فـاكــرك مش ناسيك

    بـعــشــق لــقــاك واتمــنى اشوفـك روحى فـيك

    ويــاك بــعـــــيش فــــى الجـنة واعــشق دنيتى

    بـعــــدك أمــــوت ومــين هــا يمـــسح دمعـــتى



    هــــيه الــحـــيــاة بعـدك حا تسـوى عــندى إيـه

    بــعــدك حــــاتـوه وســط الدمـوع وسط الزحـام

    عـــــينــى تـــدور ع الــطــريق الـلـى انت فـــيه

    قــــلـــبــى يــــدق ويسمـعـك لحــظــة مـا انــــام

    ايه رأيك فى هزة القلم دى

    د/سامى الرفاعى
    avatar
    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    رد: هزهز قلمك

    مُساهمة من طرف ROMENTIC في الأربعاء يونيو 16, 2010 3:02 pm

    ايوة كده يا حبيبى ميش عايزين هزة قلم وبس عايزين القلم يرقص كمان وكمان
    avatar
    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    رد: هزهز قلمك

    مُساهمة من طرف elwasem في الخميس يونيو 17, 2010 2:59 am


    ههههههههههههههههههه
    كدا فهمت ازاى تهزهز قلمك
    ممكن اجبلك هزازه بالموتور
    تايوانى
    ضمان لمده سنه
    وعليها سمكه هديه
    تساعدك فى الهزهزه
    بس بدون ضمان
    وانت حر بقى
    تشويها تقليها تعملها صياديه
    دى حريتك
    بس خللى بالك
    فى واحد حبيبى بيشم ريحه السمك على بعد عده منتديات
    وما بيهنيش حد على بسريايه
    بالهنا والشفا
    الوسيم

      الوقت/التاريخ الآن هو السبت أكتوبر 21, 2017 12:41 am