elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    اسكت يا لسانى

    شاطر

    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    اسكت يا لسانى

    مُساهمة من طرف ROMENTIC في الأحد ديسمبر 27, 2009 3:31 am

    اسكت يالسانى
    لسانى المسحوب بيحوم على خربان بيتى
    بيتى المدهون بالزيت وبلاط سيراميك وقيشانى ومراتى واطفالى البيبى
    اسكت يالسانى علشانى
    علشان يتربى البيبى فى احضانى
    ايه يعنى يضربوا غزه ولا الضفه
    ولارمالله
    ماهو طول عمرنا واحنا تملى نمد لبره
    ايه يعنى امريكا تحتل العالم
    اسكت يالسانى بلاش تتلائم
    اسكت يالسانى اعمل معروف
    ماهى كل الناس سامعه وبتشوف
    وناس ياما كتير ماتت م الخوف
    واللى بيحصل فيهم
    ولا انت عايزنى اعمل ذييهم
    واخرب بيتى المدهون بالزيت
    وبلاط سيراميك وقيشانى
    ومراتى واطفالى البيبى
    ايه يعنى بغداد انهارت
    ذى كل الامه العربيه مانالت
    مين يقدر يصرخ وينادى
    ويقول انا اضحى باولادى
    وبنفسى عشانك يابلادى
    ماهو كله نايم فى السكه
    خايف على نفسه وع الدكه
    يعنى انت اللى حتفتح عكه
    اسكت ياخى بلاش افلام
    اشتراكيه وشيوعيه وامبراليه واسلام
    ومحدش فيهم عنده ضمير ولا دين
    الا كلام فى كلام
    ماهى احولنا فى مصر كمان
    ايه يعنى شويش يضرب غلبان
    ايه يعنى طبيب يهمل تعبان
    ايه يعنى قطر يفوت فى اخوه
    ايه يعنى اهمال مسؤل وسبوه
    ايه يعنى يبعوا كل املاكنا
    ايه يعنى الاغراب يبقوا ملوكنا
    اسكت ياخى بلاش تهييص
    ايه يعنى رئيس يبقالوا وريث
    ايه يعنى شله حراميه
    يدونا جنيه ياخدوا الميه
    اسكت يالسانى كده كفايه
    وديتنى فى داهيه وانا معايا
    بيتى المدهون بالزيت وبلاط سيراميك
    وقيشانى ومراتى واطفالى البيبى
    اسكت يالسانى علشانى
    علشان يتربى البيبى فى احضانى

    zmek

    عدد المساهمات : 119
    السٌّمعَة : 0
    تاريخ التسجيل : 12/12/2009
    العمر : 23

    رد: اسكت يا لسانى

    مُساهمة من طرف zmek في الأحد ديسمبر 27, 2009 4:34 am

    هو هيتحايل عليك ماتسكت بقي يا لسانه امال لو مش سكت هتقول ايه هتوديه ابو غريب يللا بقي كل نفس ذائقة الموت...

    zmek

    عدد المساهمات : 119
    السٌّمعَة : 0
    تاريخ التسجيل : 12/12/2009
    العمر : 23

    رد: اسكت يا لسانى

    مُساهمة من طرف zmek في الأحد ديسمبر 27, 2009 4:35 am

    بس بجد جامد اخر حاجه

    mona

    عدد المساهمات : 63
    السٌّمعَة : 0
    تاريخ التسجيل : 28/12/2009

    اسكت يالسانى

    مُساهمة من طرف mona في الإثنين ديسمبر 28, 2009 5:20 am

    بصراحه كلام ؟؟؟ ولا اقلك اسكت يالسانى احسن

    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    ليه يسكت لسانك

    مُساهمة من طرف ROMENTIC في السبت يناير 09, 2010 2:14 pm

    mona كتب:بصراحه كلام ؟؟؟ ولا اقلك اسكت يالسانى احسن
    كلام ايه ؟؟ ايه ميش فاهم وليه يسكت لسانك احسن رجاء التوضيح

    mona

    عدد المساهمات : 63
    السٌّمعَة : 0
    تاريخ التسجيل : 28/12/2009

    رد: اسكت يا لسانى

    مُساهمة من طرف mona في السبت يناير 09, 2010 2:21 pm

    لا خليك كدا محتار Very Happy

      الوقت/التاريخ الآن هو السبت ديسمبر 03, 2016 2:46 pm