elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    ِحبر في ورق

    شاطر

    تاني_تاني_تاني

    عدد المساهمات : 2
    السٌّمعَة : 0
    تاريخ التسجيل : 14/12/2010

    ِحبر في ورق

    مُساهمة من طرف تاني_تاني_تاني في الثلاثاء ديسمبر 28, 2010 4:37 pm

    للشاعر طاهر الصوفاني

    ***
    ِحبر في ورق

    كل اللي كان مابينا
    حبر في ورق
    إنتي مش في حساباتي
    ولافي جدول حياتي
    مجرد ورقه فاضيه
    طويتها واترمت
    في سلة ذكرياتي
    حبر في ورق
    ***
    لاحبر ولاورق
    راح يحكي يوم عليكي
    كتاب قديم أتحرق
    وشمُه فوق جبينك
    ولونه بلون شبابي
    مرسوم مابين عنيكي
    كلمه مخنوقة فيكي
    ياريتك ماتقوليها
    مهما قولتي مهما عدتي
    ماهصدق وعد ليكي
    وعودك كانت معايا
    حبر في ورق
    ***
    الدمعه اللي في عيونك
    خبيها مابين جفونك
    وشيليها لحد غيرى
    لما الزمان يخونك
    إرجعي بسنين حياتك
    للماضي وذكرياتك
    ولو حسيتي عمرك
    بيضيع من بين أديكى
    ساعتها هتشوفيني
    من بين سطور كتابك
    حبر في ورق
    ***
    حبر وورق ياعين
    وعد ومكتوب علينا
    ومقدر ع الجبين
    حبر وورق وأنين
    من سطر وكلمتين
    أصونك تخدعيني
    بكلمه من حرفين

    حبر وورق كداب
    وجراح وسنين عذاب
    وقلوب م الهجر دابت
    يوم عنها ماحد تاب
    حبر وورق مكتوب
    و مرمي في كل سكه
    ومبعتر ع الطريق
    ندوس نمشي عليه
    ولا نعرف هو إيه
    حبر وورق وقلوب
    حبر وورق وذنوب
    حبر في ورق

    (طاهر الصوفاني)

    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    رد: ِحبر في ورق

    مُساهمة من طرف elwasem في الجمعة يناير 07, 2011 11:18 am

    من غير حبر ولا ورق
    بابعتلك رساله عبر الاثير
    تسلم ايديك
    وصح لسان الشاعر

      الوقت/التاريخ الآن هو الجمعة ديسمبر 09, 2016 8:27 am