elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    سر الورقة ؟

    شاطر
    avatar
    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    سر الورقة ؟

    مُساهمة من طرف ROMENTIC في الخميس نوفمبر 24, 2011 7:07 am

    السلام عليكم ورحمة الله وبركاته

    إلى كل شاب وفتاة .. إلى كل رجل وإمرأة .. إلى كل طفل وكهل عجوز .. إلى جميع فئات الشعب ......

    ما هو سر الورقة ؟


    حدث يوما أن ... نتكلم بالعامية اسهل وأقرب إلى قلب القارئ مع إحترامي الشديد للغة العربية !!!

    مرة يا اخويا واحد إتصلوا بيه قرايبه وقالوله : إلحق أبوك بيطلع في الروح وعايز يشوفك قبل ما يموت ...

    سمع الخبر ياختي وساب شغله وجري وهوه بيبكي بالدموع

    أول ما وصل البيت إستقبله أهله بالصويت واللطم و الذي منه

    جري بسرعة على أبوه وهوه على السرير بيموت وإترمى في حضنه : أبويا أبويا ما تسيبنيش يا أبويا , مين لينا بعدك يابا ؟

    هاعمل إيه من غيرك يا حبيبي يابا ؟

    عم الحاج رد بحشرجة صوت كده وقاله : الحمد لله إني شوفتك يابني , قبل ما أموت ... وما تقلقش .. أنا
    أمنتلك مستقبلك إنت ومرات أبوك وما تخافوش مش هاتحتاجوا حاجة من بعدي وتتعبوا فيها .. أنا السنين دي كلها كنت مخبي عليكوا كنز وسر خطير

    جه الوقت إللي أقولك عليه ...!!! يا سنة سوخة .. كنز !!!!!!!!!!

    ابويا ابويا مش مهم الكنز .. المهم إنت يابا .. أبويا أبويا أبــــ.....

    يا واد ما تحرقش كلام كتير أنا باموت ... سيبني أقول الكلمتين إللي حافظهم قبل ما أموت ..

    يا بني يا حبيبي خد الورقة دي ... أيوه زي ما هيه كده متطبقة وإياك تفتحها ولا حتى تحاول تعرف إيه إللي فيها .. كل ما عليك .. لو إحتاجت أي أي حاجة من أي أي حد ... وريله الورقة دي وهوه هايقراها وهايلبيلك طلبك على طووول ..

    وبكده أنا عملت إللي عليا وكملت رسالتي على خير وربيتك وماخلليتكش محتاج حاجة من الدنيا دي.. إإإإإإإإييئ إء إء إء

    ابويا أبويا أبوياااااااااااااااااااااااااااااااااااااااااااااا ااااااااااااااااااااااااااااا

    الباشا عيط لما قال يابس .. ده حتى يا ولداه مالحقش يحزن على أبوه كفاية .. وإتلخم في العزا والصوان .. ده حتى عمل أكبر صوان عزا بأغلى التكاليف .

    لغاية آخر واحد بيعزيه من صحابه في العزا ... ومافضلش غيره في الصوان ..

    البداية..................

    عمو بتاع الصوان : البقاء لله يا بشمهندس .. كلنا لها .. بس لا مؤاخذة .. لو مافيهاش إحراج يعني .. إحنا ما قفشناش الحساب يا بيه ..

    الراجل مسح دموعه وفكر شوية بعد ما أخد نفس طويل .. وإفتكر الورقة ...

    لسه هايفتحها .. إفتكر وصية أبوه بإنه ما يفتحهاش .. أبدا

    قام أداها للراجل بتاع الصوان...

    إيه ده يا باشا ... أنا عايز فلوسي مش ورقة..

    قاله صاحبنا بس إقراها بس..

    ما علينا يا بيه .. قراها عمو بتاع الصوان وأداها للراجل بكل غيظ مع شوية خوف ورعب .. وقاله تحت أمرك يا باشا .. إحنا عينينا ليك .. وخد ديله في سنانه وجري بعد ما خللى الصبيان يشيلوا العزا

    صاحبنا إستغرب من الموقف بس الحزنه على والده نساه إللي حصل نسبيا

    طلع البيت بيواسي مرات أبوه ..

    بعد المواساة والذي منه .. قالتله يابني إنزل جيب لنا عشا .. البيت مافيهوش أكل خالص... وأبوك ماسابش فلوس قبل ما يموت...

    قاللها ما تقلقيش أنا هاتصرف .. منين يا واد ... قولتلك ما تقلقيش ..

    نزل السوبر ماركت ... إشترى حاجات شهرين قدام .. حتى إللي في المحل إستغربوا أوي .. وساعة الحساب .. قام مطلع الورقة ... شافها صاحب

    السوبر ماركت .. ورايح واقف مرة واحدة .. وقاله تحت أمرك يا باشا أكتبلك المحل كله لو عايز .. إنت بس تؤمر .. بجد إحنا خدامينك...

    قليل من الدهشة كثير من التعجب

    طلع البيت محمل وشايل .. مرات أبوه سألته .. جبت منين الحاجات دي كلها ؟ أبوك كان سايبلك فلوس؟

    قاللها والله ابدا .. السر كله في الورقة دي.... خدي أقري إللي فيها وإنتي تعرفي ....

    طيب ما تقراها إنت.... والله يا مرات أبويا أبويا محلفني ما أفتحهاش ولا أعرف إيه إللي فيها..

    أخدت الورقة وأول ما خلصت قراية .. لون وشها إتغير ... وقامت ضرباه بالقلم : يا قليل الأدب يا سافل .. أبوك ماعرفش يربيك ... إطلع بره البيت وتورينيش وشك تاني...

    الراجل خرج بشكل محرج خالص ومهين .. وراح ينام في مكتب الشركة إللي شغال فيها..

    طلع النهار .. زمايله جم الشغل وسألوه عن سر بياته في الشغل... حكالهم إللي حصل .. وادالهم الورقة يقروها........................

    إللي شتمه وإللي حلف ما يكلمه تاني وإللي إستقال من الشركة وإللي عمل فيه مذكرة..

    الراجل قال لأ .. كده كفاية , أنا هاروح اطلب قرض من المدير بتاعي .. وأسافر في أي حتة بره مصر ... أنا مش قادر أستحمل أكتر من كده...

    دخل للمدير يطلب قرض.... أونكل المدير قاله .. بضمان إيه يا بشمهندس القرض ده؟

    قام صاحبنا مطلع الورقة من جيبه وأدهاله ..

    يا بشمهندس إيه دي ؟

    بس إقراها يا فندم وسيادتك هاتعرف على طول....

    المدير قراها من هنا .. وسأله إنت كنت عايز كام .. عشرين ألف؟

    لا يا سيدي أنا هاديلك متين ألف .. ومش عايزك تردهم .. إحنا فاتحينها سبيل ...

    بس إوعى أشوف وشك تاني .. مفهوم....................

    صاحبنا شوية وكان هايتجنن .. عايز يعرف إيه إللي في الورقة وعامله القلق ده كله وغير حياته بالشكل ده ؟

    المهم أخد الفلوس وروح لم هدومه وحاجته وراح مكتب طيران وحجز تذكرة على فرنسا ... يغير جو ولا حتى يعيش هناك..

    وهوه راكب الطيارة بعد ما طارت في الجو نادا على المضيفة وقاللها ممكن طلب ... قالتله إي حاجة أنا تحت أمرك يا فندم... سكت شوية كده وقاللها أي حاجة أي حاجة؟

    قالتله اي حاجة.....

    قاللها طيب بعد إذنك أنا عايز كوباية ميه بس علشان ريقي ناشف ...



















    قالتله بس كده.... عنيا ليك يا فندم.. ثواني وتكون عندك الميه...

    الراجل فكر شوية .. كده وقال أما اسأل البت دي عن إللي في الورقة واريح نفسي...

    وده إللي حصل يا حضرات


    أول ما جاتله بالميه .. قالها مش مهم الميه .. إنتي قولتيلي أنا تحت أمرك في أي حاجة ... صحيح الكلام ده ...؟
    قالتله يا فندم أنا تحت أمرك وأنا هنا علشان أكون في خدمتك وخدمة كل المسافرين على خطوط الطيران بتاعتنا.

    قاللها طيب ممكن تقريلي إللي في الورقة دي؟

    قالتله بس كده هات يا فندم ...









    المضيفة وهيه بتقرى إللي في الورقة وشها جاب ميت لون .. وقامت شتماه ... ورمت الورقة في وشه وفتحت باب الطيارة ونطت منه منتحرة...





    الراجل قال لااااااااااااااااااااااااااااااااااا عليا وعلى أعدائي... أنا لازم أعرف إيه إللي في الورقة دي حتى لو تمنها حياتي ...


    وعزم إنه يقرا إللي في الورقة وهوه بينط من الطيارة ... علشان يعرف السر الغريب بتاعها قبل ما يموت....


    وقد كان يا سادة











    فتح باب الطيارة ونط منها ..


    وهوه في الجو .. طلع الورقة من جيبه ولسه هايقراها ... الورقه طارت منه في الجو..... !!!!!!!!!!!!!!!







    سؤالي ما هو سر الورقة ... ؟





    أعذروني يا شباب ويابنات لو كنت سبب في حزن او ملل حد فيكم...




    بي بجد هناك سر خطير فى الورقه ترى ما هذا
    السر؟
    avatar
    semsemh

    عدد المساهمات : 37
    السٌّمعَة : 3
    تاريخ التسجيل : 07/07/2010

    رد: سر الورقة ؟

    مُساهمة من طرف semsemh في السبت نوفمبر 26, 2011 9:24 am

    حقا شىء محير
    مجرد ورقه تفتح كل الابواب المغلقه
    وتجعل الانسان سعيد
    ولكنى لا ادرى لماذا جعل كاتب القصه هذا الشاب ينتحر؟ لم يكن هناك داعى للإنتحار.
    ولو انت فعلا عاوز تعرف سر هذه الورقه
    توجه فوراً الى زوجه الاب واطلب يدها للزواج لتقول لك ما كان مكتوب فيها.
    وياريت تقول لنا هى قالتلك ايه
    avatar
    elwasem
    Admin

    عدد المساهمات : 796
    السٌّمعَة : 7
    تاريخ التسجيل : 06/12/2009

    رد: سر الورقة ؟

    مُساهمة من طرف elwasem في السبت نوفمبر 26, 2011 10:11 am

    بتنصحيه يروح لمين ياسمسمه انتى كدة دخلتى فى منطقه خطر لأن الطريق غير ممهد.لأنو مش هيلحق يروح.
    ياساتر استر يارب.
    والله يااااااااا............هى ما تقصدش دى بت غلبانه
    avatar
    ROMENTIC

    عدد المساهمات : 695
    السٌّمعَة : 9
    تاريخ التسجيل : 24/12/2009

    رد: سر الورقة ؟

    مُساهمة من طرف ROMENTIC في السبت نوفمبر 26, 2011 2:02 pm

    كنت متخيل ان اللى نصف اسمها ضار بالصحه العامه تعرف سر الورقه
    من غير زواج ولا غيرة ولو دققنا بعض الشيى فى الورقه
    يااااااااااا كنا عرفنا سر الورقه رجاء مراجعه الورقه جيدا
    او نطالب بااعادة التصحيح مرة اخرة ومستعدين لسداد الرسوم المقررة
    avatar
    كاردنيا

    عدد المساهمات : 683
    السٌّمعَة : 6
    تاريخ التسجيل : 29/12/2009

    رد: سر الورقة ؟

    مُساهمة من طرف كاردنيا في الأحد نوفمبر 27, 2011 10:37 am

    كن باسماً ..... ولا تكن ساخراً

    كن ضاحكاً ..... ولا تكن متقهقهاً
    ...
    كن متحمساً ..... ولا تكن مشدود الاعصاب

    كن هادئاً ..... ولا تكن بارداً

    كن عبقرياً ..... ولا تكن مهووساً

    كن مسلياً ..... ولا تكن مهرجاً

    كن صبوراً ..... ولا تكن متكاسلاً

    كن سهلاً ..... ولا تكن مملوكاً

    كن واثقاً ..... ولا تكن متكبراً

    كن فخوراً ..... ولا تكن مغروراً

    كن حكيماً ..... ولا تكن عنيداً

    كن مخلصاً ..... ولا تكن متعصباً

    كن حازماً ..... ولا تكن قاسياً

    كن مسايساً ..... ولا تكن مغلوباً

    كن قوياً ..... ولا تكن قهرياً

    كن متواضعاً ..... ولا تكن خاضعاً
    كن شجاعا ....ولاتكن متهورا
    قد تحكم الظروف بما عليك فعله
    وتذكر خير الامور اوسطها

    أخيراً وليس آخراً

    كن إنساناً ... كن أنت !!!
    avatar
    amane

    عدد المساهمات : 111
    السٌّمعَة : 0
    تاريخ التسجيل : 08/07/2010

    رد: سر الورقة ؟

    مُساهمة من طرف amane في الثلاثاء نوفمبر 29, 2011 3:53 pm

    انا محتارة
    وافكار كتير خطرت على بالى
    وفى النهايه موصلتش لسر الورقه
    ياريت اللى يوصل لها يقولى
    قصه جميله ومشوقه
    مرسى رومنتك

      الوقت/التاريخ الآن هو الأربعاء مايو 24, 2017 3:52 am