elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    بحبك حب إنساني

    شاطر
    avatar
    داليا غريب

    عدد المساهمات : 102
    السٌّمعَة : 0
    تاريخ التسجيل : 02/12/2011

    بحبك حب إنساني

    مُساهمة من طرف داليا غريب في الجمعة ديسمبر 30, 2011 9:59 am

    بحبك
    مش رموش وعيون
    ومش جرأة
    مليها جنون
    ومش خطوة
    تزيد النار
    تصحي كل شئ ملعون
    بحبك
    حب إنساني
    ---
    ورغم إن الجمال ف الكون
    مجرد مركبة ف بحرك
    ورغم إن الدلال كله
    مجرد سلسلة ف نحرك
    بحبك
    مش عشان حسنك
    بحبك إنتِ مش سحرك
    بحبك روح
    كيان نابض
    وروحي جاية بتبوحلك
    بحبك
    حب إنساني
    ---
    بحبك طهر
    شوق وصفاء
    وخفة روح
    كساها حياء
    ف دنيا فيها ناس عايشين
    خداع العشق والأهواء
    ف دنيا فيها ناس تايهين
    بتكره كل نور ونقاء
    بحبك
    حب إنساني
    ---
    بحبك
    حب دفاني
    ف برد الكدب والتزييف
    بحبك حب نساني
    سنين عشناها ف التحريف
    ف موج الشر بنبحّـر
    وحبك
    قارب التجديف
    بحبك
    حب إنساني
    ---
    وباعشق
    وشك المتوضي
    من غير صبغة أو ألوان
    وبهوي جبينك المطلي
    بنور الذكر والقرآن
    بقلبي وقلبك الفارس
    هانهزم قلب أي شيطان
    وإيدي ف ايدك النونو
    هانزرع دنية الأنسان
    بحبك
    حب إنساني
    ---
    ولو كل البشر يقدر
    يعيشوا الحب من تاني
    هاوزّع حبي يملاهم
    يخضّـر كل أوطاني
    وأرواحنا بجنة خلد
    هتتلاقى ف زمن تاني
    دا حبك أنتِ علمني
    ماحبش
    أي شيئ فاني
    بحبك
    حب إنساني
    avatar
    كاردنيا

    عدد المساهمات : 683
    السٌّمعَة : 6
    تاريخ التسجيل : 29/12/2009

    رد: بحبك حب إنساني

    مُساهمة من طرف كاردنيا في السبت ديسمبر 31, 2011 9:25 am

    علمني حبك
    ان اكون صادقة في حبي
    لأنك امتلكت قلبي

    علمني حبك
    ان الحب نار لكن لا مفر منه
    ... وأن العشق حق لن أتنازل عنه

    علمني حبك
    معنى الحب الحقيقي
    وبحبك نورت طريقي

    علمني حبك
    ان لا ابوح بصدق مشاعري الا لك
    لأن قلبي لا يرتاح الا لك
    ولم يعيش الحب إلا معك أنت فقط
    avatar
    كاردنيا

    عدد المساهمات : 683
    السٌّمعَة : 6
    تاريخ التسجيل : 29/12/2009

    رد: بحبك حب إنساني

    مُساهمة من طرف كاردنيا في الخميس مايو 02, 2013 10:13 am

    [img] [img] [/img][/img]

    [img] [/img]


    [img] [/img]

      الوقت/التاريخ الآن هو الجمعة يوليو 21, 2017 4:49 pm