elwasem

الوسيم يحيكم فى منتدى ادبى - علمى - ثقافى - دينى - فمرحب بكم

 

                

          


    خواطر مسجون

    شاطر
    avatar
    elamor

    عدد المساهمات : 48
    السٌّمعَة : 3
    تاريخ التسجيل : 01/01/2010

    خواطر مسجون

    مُساهمة من طرف elamor في الجمعة أكتوبر 05, 2012 11:28 am

    ملعون السجن الحربي
    واللعنة شوية عليه
    - جواه ياما شوفت مآسي
    اسمعني حقولك إيه
    - من أول يوم ودوني
    ودخلت من البوابة
    - نبابيت وبواني ف جنبي
    مش عارف كل ده ليه
    ملعون السجن الحربي
    - ماسكين كرابيج في اديهم
    غير اللي معاه خرزانة
    - وشرار باين في عنيهم
    وخدوني على الزنزانة
    - تعبان من شدة ضربي
    هلكوني ولاد الإيه
    ملعون السجن الحربي
    - رايحين جايين يؤذوني
    والضرب معلم فيه
    - وليلاتي بيصحوني
    علشان يتسلوا عليه
    - مش عارف إيه كان ذنبي
    مش كان يقولولي عليه
    ملعون السجن الحربي
    - النوم بالليل نسيناه
    صاحيين أيام وليالي
    - حتى الأكل كرهناه
    مقدرش أوصفلك حالي
    - ولاحدض كان يعلم بي
    إلا اللي تكالي عليه
    ملعون السجن الحربي
    - الصبح يجيبوا اللقمة
    وشوية عدس قليل
    - وغدانا حتة لحمة
    يظهر من لحمة فيل
    - قرفوني ف أكلي وشربي
    مضطر وحاعمل إيه؟
    ملعون السجن الحربي
    - والمغرب حبة مية
    ويقولوا عليها خضار
    - وان قلت اتوصوا شوية
    أتهزأ ليل ونهار
    - أسكت وانا كاتم غلبي
    وده أمر قدرت عليه
    ملعون السجن الحربي
    - الصبح نقوم من بدري
    ونروح ع الدورة طابور
    - ندخلها ونطلع نجري
    وما زال فينا المحسور
    - وان كنت اتلفت جنبي
    يزغدني شاويش بايديه
    ملعون السجن الحربي
    - كان فينا اللي بيدوه
    ميت جلدة ولا ميتين
    - والأخ اللي يمدوه
    يزحف باديه الاتنين
    - كلام في السر يا صاحبي
    تخطيط اتفقوا عليه
    ملعون السجن الحربي
    - ودوني السجن الحربي
    اكمني من الإخوان
    - وعشان ما أنا باعبد ربي
    حدفوني على الليمان
    - وان كان ده يا عالم ذنبي
    أنا برضه مصر عليه
    ملعون السجن الحربي
    - اسلامنا غالي علينا
    والروح في سبيله تهون
    - واله الكون مراعينا
    ولابد النصر يكون
    - وساعتها يفرح قلبي
    والظالم تبكي عنيه
    - ملعون السجن الحربي
    واللعنة شوية عليه
    avatar
    elamor

    عدد المساهمات : 48
    السٌّمعَة : 3
    تاريخ التسجيل : 01/01/2010

    إلى ليمان طرة

    مُساهمة من طرف elamor في الجمعة أكتوبر 05, 2012 11:33 am

    - على طره يا شاويش ودينا
    أهو صدر الحكم علينا
    - والسجن مع الأشغال
    بكرة يتنفذ فينا
    - علشان بنقول إسلام
    ونصوم ونصلي تمام
    - خلقولنا قضايا قوام
    وسجونهم فاضت بينا
    على طره يا شاويش ودينا
    - رح نلبس بكرة حديد
    في الرجل ما هش في الإيد
    - ما تقول شان احنا عبيد
    وشاويش السجن شارينا
    على طره يا شاويش ودينا
    - حا ننام ع البرش الليف
    أنت اللي عليك تحمينا
    على طره يا شاويش ودينا
    - حا نكسر دبش وطوب
    وده شيء وعد ومكتوب
    - سائلين المولى يتوب
    ويطهرنا ... ويهدينا
    على طره يا شاويش ودينا
    - حانشيل وي "الجمالة( )"
    في البرد وفي القيالة
    - ونشيل على قد الحالة
    واللي خلقنا يقوينا
    على طره يا شاويش ودينا
    - الحمرة ( ) على الحجارة( )
    والطلبة ( ) مع الكسارة( )
    - بيشيلوا تراب وحجارة
    وترابهم يعمي عنينا
    على طره يا شاويش ودينا
    - حنروح طوابير طوابير
    ونشخشخ في الجنازير
    - والشغل حيبقى كتير
    والمولى فوق يراعينا
    على طره يا شاويش ودينا
    - ياخدولنا الصبح تمام
    والعصر يقولك كام
    - وتمر بنا الأيام
    والكل يناكف فينا
    على طره يا شاويش ودينا
    - العدس الله يخليه
    حانبات واحنصبح فيه
    - ناكل ولا نشبع بيه
    ويمكهم( ) ما يكفينا
    على طره يا شاويش ودينا
    - العدل يا رب خلاص
    والظلم شريعة الناس
    - والحر اتهان وانداس
    والحال ما بقاش يرضينا
    على طره يا شاويش ودينا
    - حانجاهد بالأرواح
    ونقضي العمر كفاح
    - وايمانا أمضى سلاح
    رح نهزم بيه أعادينا
    على طره يا شاويش ودينا
    avatar
    elamor

    عدد المساهمات : 48
    السٌّمعَة : 3
    تاريخ التسجيل : 01/01/2010

    رد: خواطر مسجون

    مُساهمة من طرف elamor في الجمعة أكتوبر 05, 2012 11:37 am

    مواويل في الليمان

    - يا للي أنت عايش معايا في الليمان مسجون
    - اصبر على بلوتك والشدة بكرة تهون
    - إياك تطاوع شيطانك والشيطان ملعون
    - اعبد إلهك وصلي الفرض في ميعاده
    - دي الدنيا فانية – ونصر المؤمنين مضمون
    - لك يوم يا ظالم تدوق الظلم وتقاسي
    - ويبقى كاسك مرارة من مرار كاسي
    - ظالم بطبعك وقلبك ع العباد قاسي
    - لا عز دايم ولا الدنيا كمان بتدوم
    - وبكرة حانفكرك يمكن تكون ناسي
    - شيلني يا أحمد يا خويا الدبش شيلي
    - وخف إيدك شوية ويا للا شهلني
    - القطر واقف على المصلب ( ) ومستني
    - والكل بحر ما حدش غيرنا متأخر
    - قوام قوام بالعجل كسر وحملني
    - كسر يا سيدي الطريحة وكتر الدبشات
    - خلينا نشحن ونخلص م الخمس عجلات
    - واملا المقاطف وشيل عده ( ) يا للا وهات.
    - القطر قرب علينا والشاويش أهو جاي
    - خلينا نخلص وهاتلي حتتين علاوات
    - يا رب دايما رازقنا باللي (يعلم به) ( )
    - ما حد عاد يقبله ولا حد بيحبه
    - والفول مسوس ونايمة السوسة في قلبه
    - واللحمة زي الكاوتش وجبنه زي الطوب
    - واللي ما يرضى بكده ذنبه على جنبه


    كسرنا حديد

    - كسرنا حديد
    كسرنا حديد
    - دي بشرة خير
    وفأل سعيد
    - بقاله زمان
    وعهد قديم
    - ودمه تقيل
    وشكله أليم
    - حديد مبروم
    تخين وشديد
    كسرنا حديد
    - تلات وقات
    حديد مكبوس
    - معلق فيك تقولشي جاموس
    - ويوم تحذير
    ويوم تهديد
    كسرنا حديد
    - ما تقلعهوش
    نهار أو ليل
    - بحجلات( )
    تهد الحيل
    - وإيه حايفيد
    من التشديد
    كسرنا حديد
    - تنام وتقوم
    ما بين رجليك
    - وفين ما تروح
    معلق فيك
    - ولا تفوتهوش
    دقيقة بعيد
    كسرنا حديد
    - بنمشي طابور
    نشخشخ بيه
    - وله أصوات
    بشكل كريه
    - ويوم ما انشال
    دا يوم العيد
    كسرنا حديد
    - عيوبه كتير
    وفيه إذلال
    - ورمز بغيض
    من الأغلال
    - تشوف الناس
    تقولش عبيد
    كسرنا حديد
    - ما صدقناش
    في يوم ما لغوه
    - وكل الناس
    قوام قلعوه
    - فرجها قريب
    يا خويا سعيد
    كسرنا حديد
    - دي بشرة خير
    على الإخوان
    - وفضل كبي
    من الرحمن
    - دليل أفراح
    ونصر أكيد
    كسرنا حديد


      الوقت/التاريخ الآن هو الأربعاء أغسطس 16, 2017 9:09 am