ياما كان فى نفسى.........

با ما كان فى نفسى ...!!!
طبعا النفس كان فى نفسها حاجات كثيره ..
نفسى اجيب موبيل اخر الاناهات واخر رقم فيهم
نفسى فى تليفزيون اربعين بوصه ال سى دى واستريو من اللى بيخرم ودان الجيران
نفسى اجيب لاب توب ماركه دل واخر موديل واعلى سعر وادخل على النت واتفرج على اللى انا عايزه
نفسى اجيب جزمه كوتشى( اديداس) من ام 700 جنيه وكاب( اديدس) بابو 150 جنيه
نفسى اجيب تيشرت( نيك) ازرق علشان تليق بالجزمه الكوتشى الايدادس البيضاء
نفسى اركب عربيه بى ام دبلو سوداء وامشى ذى الصاروخ علشان البنات تتهبل عليه
نفسى يبقى عندنا شاليه فى الساحل الشمالى مارينا او قريه امون ويبقى على البيسين
نفسى يبقى عندى بيتش باج علشان اسرمح بيه فى مارينا واعمل بيه حركات تعجب البنات
نفسى يبقى عندنا شقه على النيل وواحده تانيه فى استانلى امام الكوبرى علشان اشوف الشروق والغروب واتانتك على اصحابى

نفسى ..يا ما كان فى نفسى
نفسك ايه ياراجل انت نفسك تعمل كل حاجه ..ومش مهم صح غلط حرام حلال وحش حلو مش مهم
نفسك ان لم تشغلها بالحق شغلتك بالباطل
نفسك الدائمه الامر بالسوء تامر بالفحشاء وتنهى عن المعروف
نفسك ان خالط الشهوه بالنزوه وتوجها الهوى رحت فى ستين داهيه
نفسك حليفه الشيطان تتامر عليك وانت مخمور بمتع الدنيا وغفلان عن اهوال الاخره
نفسك اشبعتها بالملذات والشهوات فاصبحت لاتطيق حقا او قربا بانس الله
نفسك
اياك ونفسك وصحصح ليها وخذ باك منها وعاملها كشريك دائم الخيانه
اياك ونفسك وحاسبها حساب من سرق عمرك واهدر امالك وحطم مستفبلك
واياك ونفسك قليلا يكفيك خيرا من كثيرا يلهيك

طب نشوف واحد تانى نفسه فى ايه ؟؟؟
نفسى اصلى الخمس فروض فى جماعه المسجد
نفسى اقيم الليل بجزءين من القرآن الكريم بصوت شجى وابكى خشوعا واتذلل خضوعا
نفسى يبقى عندى ما يغنينى وافيض بالصدقات على الجوعى والمساكين والفقراء
نفسى اصوم كل نوافل الصيام حتى اشعر بالقرب من الرحمن
نفسى احج بيت الله واطوف ..ادعو الله ان يغفر لى كل ذنوبى و يصلح حالى وحال المسلمين
نفسى اطلب علما نافعا يرفعنى مع الصديقيين والشهداء
نفسى اخيرا ان اموت شهيدا مدافعا عن الحق واصد بدمى باطلا
دهه كان فى نفسى ويارب احقق حاجه كانت فى نفسى
اخى
شوف انت فى نفسك ايه
حاول تغير اللى فى نفسك اذا كان فى نفسك حاجه من اللى نفسك فيها
وحاول ان تصبو وتكافح اذا كان فى نفسك حاجه من اللى فى نفسك تحققها
وكل واحد منا عارف هيختار ايه
اللى هيلهمها فجورها
ولا
اللى هيلهمها تــقوها
اخيرا دمتم بعفو من الله وقرب من الرحمن وانس من ذو الجلال والاكرام [center]

شكرا ليكى امينه
على زوقك
بس ياترى
كان نفسك فى ايه
الوسيم

ياااااااااااااااااه
كل ده نفسك فيه
انا نفسي الناس تعرف اننا لازم نكون ايد واحده مش مهم مصري ولا سوداني ولا اي جنسية تانية المهم احنا عرب
نفسي اغمض عيني مش الاقي الظلم
نفسي .... نفسي