حبة وجع
على دمعتين
على قلب ماسك دبلتين
على شوق مجازي وتشبيهين
واحد "دبيح" والتاني مين ؟
التاني فرحان بالمُعجبين
تصقيف هنا وهتاف هناك
وستار بينزل وانتهاك
لقانون مالوش نصٍ مبين
عن حب طاهر , وامتلاك
اسمه قانون الطيبين
ولإن طيبتك يعني خيبتك
خليه ياعم ينول حبيبتك
وياكلها بعنين الديابة
ويضمها لألبوم خسارتك
وانت ابكِ على قطر الغلابة
اللي ركبته بكلمتين ,
كلمة "بحبك ..
و انتي فين"
--
وانا تهت بعدك واترميت ..
صوره فـ درج اسمه السنين !
راجع تقول حبيت بجد ؟
مانا كُنت وياك
فـ الحكايه ..
وإيه اللى جد؟!
سبتنى فـ وسط الطريق
ورجعت وحدك
وفر الدمعه لـ عنيك
وارتجال تمثيل مشاهدك
أنا واحده ..
مهياش قابله للقسمه
على قلبين
حقيقه وكل شيئ قسمه
وجالك يوم ترد الدين
تشوفني عنيك مع غيرك
تغير انت وتتحسر
وكل يادوب ما تتجمّع
تشوف ضحكايتى تتكسّر
انا واحده..
خلاص قادره تقرر
حلمها فـ بكره
انا واحده خلاص ناسياك
انا واحده مهيش فاكره
وعلى فِكره
انا قررت
إنى ابيع
ولو حُبك ده كان طبعي
مسيره يدوب مع التطبيع
وتفرق ايه هضيع بَعدك
فـ قُربك برده كُنت بضيع
على دمعتين
على قلب ماسك دبلتين
على شوق مجازي وتشبيهين
واحد "دبيح" والتاني مين ؟
التاني فرحان بالمُعجبين
تصقيف هنا وهتاف هناك
وستار بينزل وانتهاك
لقانون مالوش نصٍ مبين
عن حب طاهر , وامتلاك
اسمه قانون الطيبين
ولإن طيبتك يعني خيبتك
خليه ياعم ينول حبيبتك
وياكلها بعنين الديابة
ويضمها لألبوم خسارتك
وانت ابكِ على قطر الغلابة
اللي ركبته بكلمتين ,
كلمة "بحبك ..
و انتي فين"
--
وانا تهت بعدك واترميت ..
صوره فـ درج اسمه السنين !
راجع تقول حبيت بجد ؟
مانا كُنت وياك
فـ الحكايه ..
وإيه اللى جد؟!
سبتنى فـ وسط الطريق
ورجعت وحدك
وفر الدمعه لـ عنيك
وارتجال تمثيل مشاهدك
أنا واحده ..
مهياش قابله للقسمه
على قلبين
حقيقه وكل شيئ قسمه
وجالك يوم ترد الدين
تشوفني عنيك مع غيرك
تغير انت وتتحسر
وكل يادوب ما تتجمّع
تشوف ضحكايتى تتكسّر
انا واحده..
خلاص قادره تقرر
حلمها فـ بكره
انا واحده خلاص ناسياك
انا واحده مهيش فاكره
وعلى فِكره
انا قررت
إنى ابيع
ولو حُبك ده كان طبعي
مسيره يدوب مع التطبيع
وتفرق ايه هضيع بَعدك
فـ قُربك برده كُنت بضيع
